12 վարորդ երթևեկել է ոչ սթափ վիճակում, 84-ը` առանց համապատասխան փաստաթղթերի, իսկ 4-ը` ծխել է (ՏԵՍԱՆՅՈՒԹ)

Մարտի 10-ից 16-ն ընկած ժամանակահատվածում Երևան քաղաքում իրականացված ծառայության ընթացքում ճանապարհային ոստիկանության ճանապարհապարեկային ծառայության 1-ին սպայական գումարտակի ծառայողների կողմից ճանապարհային ոստիկանության հատուկ պահպանվող տարածք է տեղափոխվել 96 տրանսպորտային միջոց. 12 վարորդ մեքենան վարել է ոչ սթափ վիճակում, 84-ը` երթևեկել առանց համապատասխան փաստաթղթերի, իսկ 4 վարորդի նկատմամբ կազմվել է վարչական իրավախախտման վերաբերյալ արձանագրություն` երթևեկության ընթացքում ծխելու համար: